نشرت:
الاثنين، 19 أغسطس 2019
السلام عليكم اخواني
زي ما واضح من العنوان في التدوينه دي هقولك ازاي تخس بطريقة سهله وبدون حرمان هنتكلم عن نقاط عامه وبعد كده هنشرح كل حاجه بالتفصيل
اولا الاكل الاكل الصحي هيضمنلك انك تخس وفي نفس الوقت لن تصاب بالاعراض المصاحبه لاغلب برامج الدايت زي الانيميا وسقوط الشعر ونقص الفيتامينات ( طبعا هتاكل اكل صحي في حدود احتياجك فقط علشان حتي لو بتاكل اكل صحي اكتر من احتياجك برضو هتتخن ) ان شاء الله هنزل موضوع كامل عن ازاي تحسب سعراتك وتعرف احتياجك
ثانيا الماء ببساطه ومن غير فلسفه لو عايز تنجح انك تخس بدون ترهلات لازم تشرب مايه كتير يعني مش اقل من 4 لتر في اليوم
ثالثا الرياضه الرياضه مهمه جدا جدا في الدايت لاكتر من سبب اولا انها بتحرق سعرات فهتعملك عجز في السعرات وبكده هتقدر تخس اسرع ثانيا هتشد جسمك وهتساعدك جدا في عدم ظهور ترهلات طبعا مش لازم رياضه معينه ممكن تمارين مقاومه او جري او مشي او سباحه او اي رياضه حضرتك تحب تعملها
** ( ملحوظه ممكن عادي متعملش رياضه وهتخس بس هيحصل ترهلات )
رابعا النوم طبعا ناس كتير استغربت بس فعليا انك تنام بدري حاجه مهمه جدا لو عايز تخس لان ببساطه جسمك بيعيد ترتيب نفسه اثناء النوم مستويات الهرمونات بتتظبط ، جسمك بيبني كتله عضليه ، جسك بيحرق الدهون
** ان شاء الله هنتكلم في التدوينات القادمة عن كل هذه الاشياء بالتفصيل
0 تعليقات "ازاي تخس30 كيلو بدون حرمان في اربع خطوات "